夾縫的生命

喜愛留意地上牆邊的小草，
每一棵都在讚頌生命。

nov 40.

約朋友, 我一時手快, 打錯: "不如 nov 40?",
哈, 佢會以為我耍佢嗎??


11月40日?? 2040年11月?? (-_-")

我很喜歡你。i like you a lot.

前幾天, 同一天內有兩個人對我說「我很喜歡你」 -- 唉可惜, 兩個都是已婚女子。(-_-")

噢, 要令她們先離婚後「拗luun」 (調轉次序都得?) 再跟我一起, 嘩, 超高難度啊! <-- 我講笑, 大家明個囉呵? (呢d咁離經叛道嘅說話, 假如張貼響facebook, 天曉得會發生咩事??)

所以結論是: 我同上帝講, 喂拜託, 下次換個單身男講呢句說話, 成件事咪會簡單d囉。

# 致各位家有5歲以下男童的家長, 請唔需要叫呢個年齡級別的單身男打俾我, 同我講「我很喜歡你」喇, 多謝。#

又, 12月初會一訪上海杭州, 有女仔朋友對我說: 喂, 有豺狼走來狼吻你, 千祈唔好叫停啊你。(杭州好近橫店ah嘛...) 。

噢, 我的朋友, 我很喜歡你。

有時。a time for everything.

「我讀小學果陣, 訓導主任住響我當時最要好的同學女隔離個單位。訓導主任告訴我們, 大考果陣, 我的好友繼續mark大喉嚨, 同佢細佬扮譚詠麟唱「這陷阱這陷阱偏我遇上」, 傳到過去佢屋企....訓導主任說, 溫書有時relax有時, 就啱喇 (果個同學女讀書好叻的)。

呢件事, 深印我腦海。多年來, 我做唔到溫書有時, 肯定做足relax 有時。」

跟家有人仔的v聊起, 想起這件小事來。

兩年。730 days.

昨天是畢細b兩歲生日。我跟畢太太聊起, 兩年前她坐月餵奶的時候, 就是我跟她迷上畢打自己人的時候, 她半夜起身餵奶, 就坐在電腦前看mytv.com 的畢打囉…

這樣就兩年了。畢細b 也由一舊飯, 變成一個可以跟我聊天的小不點。

然後, 話都無咁快, 佢兩兄弟就會帶女朋友返屋企介紹給父母同judy 婆婆認識了。嘿。

那些唔關事的。irrelevance.

量血壓的時候, 出於本能 (??), 先除手錶。
護士嬸嬸在笑, 說: 「哈, 人人都係咁個喎,
人人都硬係要除錶個喎, 根本就一d都唔關事。」

第三次世界大戰。world war iii.

我想, 要引發第三次世界大戰, 有一個非常簡單的方法 -- 只要把你在facebook 和google+ 的甚麼close friends 呀acquaintances呀的list公開, 讓你的朋友看到佢響哪個category , 就成了。

肯定天下大亂。表面上非常「簡單」的方法, 實情很複雜 -- 人際關係, 從來都是最複雜的事。

facebook 我並沒有set 甚麼close friends list, 也從沒有block 過任何人看不到我寫的東西 (除了一次, 畢先生叫我幫忙, 搞他送給畢太太的一份禮物, 我怕穿煲就唔好玩, 就block了畢太太看不到那個有關的status -- 但實情畢太太 n 年都唔上一次facebook囉, anyway)。我堅持, 我寫得出就唔怕人睇, 而你硬係要block 左某人看不到某d野, 呢個世界咁邪, 科技咁唔可靠, 人言咁可畏, 對方總有辦法收到風的。這是我的信念。

至於google+, 我沒有時間認真 explore, 因此至今仍處於「有人add 我, 我就add番佢囉」的被動狀態。但是, add佢果一刻, 開始學習將對方分作 "friend" 抑或 "acquaintance", 對我而言, 是嶄新的學習。friends 與acquaintances 之間的距離, 似夢迷離。

這幾天, facebook 再次發生了一些人言可畏的事。這一次, 我動氣了。

做人除了惕言, 原來更要惕友 -- 交友 (add "friends" on facebook) 時要警惕, 因為你add 某人時, 同時間接add 左他的friends of friends -- 眼前友人的真面目已難看清, 何況是你以為認識、只係識識地、甚至毫不認識的friends of friends 呢?

甜蜜如昔。happily ever after.

劉青雲和郭藹明, 難得的銀壇夫婦。
我但願, 他們的甜蜜, 不是做戲, 是真的。


「郭藹明則笑言：『記錯咪可以慶祝多幾次，我唔介意。』」




無論是真是假, 劉太太的答案, 都非常有智慧, 也非常可愛。

設身處地。in his shoes.

同一件事, 從對方的角度來看, 也許, 真的是另一番截然不同的風景。我眼中的對方, 亦只是我構想出來 (因為我的歷史, eg 接觸過的人和經歷) 的「他」, 也許, 跟真實的他, 離天萬丈遠。

這是我最近的領悟, 一個非常可怕的領悟。

咁當然, 假如我無時無刻都能做到設身處地呀, 從對方的角度來看呀, 凡事有不同角度呀, 包容呀心平氣和呀, 嘩, 我就不會坐在這裡打blog, 早就升仙了。

學做人, 實在係一世的功課。

joke of the day:「畢生」講笑話。

畢生 (畢先生) 審閱我的稿件, 我有一句寫著「畢生住在xxx的我」,
畢生說, 他總把它看成「畢生 (他自己) 住在xxx...」

以上就是「畢生」講笑話。節目完。


最後, 由於我未死, 因此未算「畢生」, 於是, 畢生消失了。

又, 呢篇稿有一句極不通順的句子, 害得編輯甲把它大幅修改, 編輯畢 (!) 和編輯丙一個二個打電話來確定我想講mud, 編輯丙知道我是一枚鬼妹, 更叫我: 你用英文講都得架 (-_-*)

well, 這算是一項成就嗎? (哪門子的成就呢請問??)

千臉臉書。the facebook with a thousand faces.

facebook 愈變愈多, 就快不認得它了。
不要緊, 我在它身上, 學得夠多東西了:

它是一個令人看到很多人性的地方, 由此來看, 其實它很有教育意義。

你在臉書上說的東西, 竟有些八公八婆 (我相信, 當中不少更是道貌岸然的....), 會將之宣揚出去臉書以外的地方, 告訴佢認為應該知道的呢個果個 -- 友人受過苦頭 (ok, 佢本人一點也不覺得苦, 也不介意)。我聽到果陣, 只覺得很可怕, 很荒誕。

沒錯, 在臉書上公開寫得出, 就唔怕你講。但係我相信自己的前設其實是: 「我以為」(又來了!) 沒人會講, 因為那叫說三道四, 亞媽有教, 要盡量克制自己, 唔好講人是非個喎。

是我太天真無邪了吧。

+ + + + +

這陣子另一個令我覺得自己很天真無邪的例子: 在臉書上, 我體會到甚麼叫「一代新人換舊人」, 有點唏噓, 有點感慨。

我實在、實在太太太天真無邪了。

* 早前教會刊物寫「臉書」, 難道我可以把以上的東西寫出來嗎? 　

一生只愛你一個。one life, one love.

成件事即刻錯哂。

夫妻相。made in heaven.

你看這一雙好愛侶, 超有夫妻相。
瞇瞇眼、髮型、口mark mark同動作都一樣的啊。

文盲如我。illiterate me.

繼續搵食艱難系列。

另一份 freelance, 我剛被溫馨提示要多加留意 "Eng literacy" 的問題。

噢撈, 原來我是個文盲。那末我可否變身窈窕淑女的eliza doolittle, 高聲唱歌和吼叫? 然後變成audrey hepburn 那末優雅? 

屆時, 多一份少一份freelance, 也不要緊了。

黑色的劏房。black sub-divided units.

跟朋友提起swire 在太古坊artistree 那個frank gehry 展覽, swire 的project "53 stubbs road" 由frank gehry設計, 大廈樓高12 層, 每層一個單位, 面積6千幾至7千幾呎。

我地話, 如果拎黎間劏房, 可以劏到好多好多好多間。

對不起, 這個笑話, 非常非常非常黑色。

紅樓夢裡的大口仔?! tabo dreaming in the red chamber??

買了票看下個月的《賈寶玉》, 的起心肝再戰《紅樓夢》,

打開上冊第一頁 (對, 是第......一......頁....), 裡面夾著這張大口仔貼紙相框貼紙, 從而可見:

(1) 我n年沒碰過這本書, 我完全想不起上次影貼紙相是何時....

(2) 亞鐵臂的我, 也曾經可愛過哦 (v字手勢, yeah!), 影貼紙相、大口仔貼紙, 通通做齊的哦 (再來v字手勢, yeah yeah!)

(3) re大口仔, well, 我至今仍喜愛他的, 而且, 我暗自覺得, 大口仔跟小丸子非常登對, 呵呵呵

(4) 我是sai錢怪, 不是因為買大口仔貼紙, 而是....我何解走去買一套三冊的《紅樓夢》, 然後放在家裡十年呢??!

我隆重宣佈: 我已看至第二頁了! 嘿!!

(畢先生, 你感到有人「猴住」你的蔣勳註解嗎? 得, 我看得完十三頁的第一回先算, 我知!)

唔怕生壞命…

(仍然在想愛小姐....) 

簡愛唔係姓簡名亞愛, 而係姓愛 (....) 名亞簡, 真係超怪。

我的工作, 需要不斷不斷不斷幫人 (劇集角色, 紀錄片人物.....) 改名, 我自問沒有改名的天份 (其實, 係懶遮, 非常十分極之偶然, 都有神來之筆), 成日改埋d default 名:

paul --> 保羅

john --> 約翰

各位扭開電視機見到果d 好有心思、「嘩, 呢兩個咩字黎架!」好明顯唔識讀果d 角色譯名, 可以肯定, 不是本人所為。多年來我最難忘和喜歡的角色名, 是NYPD BLUE的男主角名, BOBBY SIMONE, 同事譯作「司馬邦」。

複姓配單字, 「司馬邦」, 本身已經夠絕。再者, 「司馬邦」, 一看就令人覺得, 司馬先生唔做警探, 實在配唔起呢個名 -- 咁當然, 佢的確係一個警探。改呢個名的同事好叻譯角色名, D名永遠譯得好美好美。還記得, 當時另一位同事笑說:「 要是"BOBBY SIMONE"落在我手上, 『司馬邦』就會淪為『施波比』囉!!」 -- 落在我手, 都肯定會。

之間。in between.

世上有些事, 

在講得出與做得到之間,

在做得到 (have the ability to do it) 與做到 (do it) 之間,

有著一條非常大非常深的

鴻

溝。

我望著那條鴻溝, 明知怎樣做於己於人有益, 可是, 就是做不到。

這條鴻溝, 在在提醒我 (因為佢不斷拮住我), 我不過是個凡人 -- 是凡人, 也是煩人。

放過自己, 接納自己的凡/煩, 給自己一條裂縫 (give me a break), 是這陣子的功課。

然後, 那條鴻溝在中秋夜, 收窄了1cm。

這個中秋很神奇。

愛小姐。miss eyre.

要不是朋友問我去唔去睇, 我甚至連jane eyre 第n次重拍都唔知道, 遑論上畫了。我怎麼了?

《簡愛》是我由高中至大學, 修不同的英國文學學科屢次研讀過的小說, 究竟因為睇得太多而喜歡, 還是一看就喜歡, 我已忘了。總之, 我喜歡簡小姐 愛小姐。(駭然發現是「愛」小姐才對, 我以後不敢告訴別人我做盛行.....)

「趁記得, 寫低佢」write it down while you remember it.

很享受八月尾開始的寫作班, 由自己喜愛的作家跟你分享她的寫作經驗, 可貴啊。

昨晚的功課是分享自己的一個習慣/ 怪癖。十幾個同學, 十幾個習慣/ 怪癖, 有d真係幾怪, 呵呵。最精彩的是留心老師如何聽別人說話、如何發問, 短短幾個問題, 就理出習慣/ 怪癖背後的因由。

我的習慣/ 怪癖, 恕不在此分享, 最神奇的是, 當我細想自己幾時開始有那習慣的時候, 回憶就一一湧現了 -- 嘩, 原來那個習慣/ 怪癖, 可以貫穿我自高小開始的人生, 跟家人、朋友全都有關。真的好神奇啊。

我在課堂上提起近幾年寫日記的得著: capture the moments, 不要讓那些細碎的輕易流走。老師 (寫左幾廿年日記, 佢話自己) 回應說: 電影《黑玫瑰對黑玫瑰》有一句經典對白: 「趁記得, 寫低佢」。

一萬個同意。但是, 我唔記得《黑》有此對白囉 (我倒記得《黑》是跟誰看的喎)!!

「趁記得, 寫低佢」。