放手。let go.

又試新的髮型師, 今次呢位小姐好用心地研究我的髮質, 認真地給意見。整好後, 再建議在家裡試下用 ceramic iron set 頭, 細心教我點用、建議我點set 的期間, 她說了一句: 其實一般人用ceramic iron真係唔難, 最麻煩係大家唔識「放手」。

放手, 的確是人生最大的功課吧。

搬家的尾巴又來了, 老爸在執拾忙亂之間, 把一堆裝飾擺設, 當垃圾丟掉, 很不巧, 他丟掉的大部分是我和老哥們在各地旅行時, 買回來送給他的擺設... 最不高興的是老媽, 絮絮唸了大半天, 老爸一走開就對我說說說…其實我無嬲, 一d都無, 身外物而已, 再者丟錯東西, 大家都唔想, 再唸他也是沒有用的吧。

我親愛的老媽, 整輩子, 就是不懂得放手, 心裡的包袱和苦痛, 愈來愈多, 愈來愈多。

放手吧。