枯萎的我, 枯萎的草菇。withering: me VS the mushroom.

畢先生是一位傳道人, 話說他的朋友曾說過, 結婚在教堂行禮時, 會請他訓勉 (類似講道), 後來那人沒有在教堂行禮, 是故作罷。

我對畢先生說: 「好了好了, 他朝有日我嫁得出, 而我嫁的人又覺得ok的話, 我到時請你訓勉啦咁。」(畢先生類似問, 「又覺得ok」是甚麼意思) 我再說: 「咁話唔埋呀, 可能我唔知幾時升格desperate 中女一族, 是旦有個『方型西瓜』(意指跟我的價值觀 wave length 不一致、所謂『正常』的那種基督徒 -- 我真的是火星人來的!) 就嫁, 方型西瓜先生仲覺得畢先生你呢類朋友太不合聖徒體統, 叫我同你絕交, 我為左結婚不惜一切, 到時就同你絕交架喇!」

畢先生回應: 「好呀, 你絕啦, 你到時結左婚, 不過無哂朋友, 自己一個響屋企枯死囉。」


早陣子在教會帶了兩次單身姊妹的分享討論, 比我較年長的單身姊妹, 跟我的想法很不一樣, 令我想了很多。我跟一位比我年長、也是單身的神學院女同學分享我的想法, 她淡然笑了笑, 說: 「證明你未夠老囉, 過多幾年, 你的想法就唔同架啦。」幾年後, 假如我仍單身, 我真的會變得不一樣嗎? 到了再無單身男同我去街看戲吃飯的時候, 我會不會人未枯, 心先枯死? (搵/迫rafael 同 judy 婆婆去街?)

我沒有答案, 我唯有趁現在正能量滿滿的日子, 叉足電, 一有身心枯萎的跡象, 就搞搞佢囉 -- 防縐 皺cream 都唔係等縐皺紋出現了才搽, 對不? [後按: 寫錯個皺字 -- 呀, 好驚皺紋會來向我報復!! 皺紋唔好嬲...! 有怪莫怪, 中女唔識世界咋...]

我不想自己身心枯死, 可是, 我頭上的「草菇」, 還有沒有凋謝/ 枯萎的機會呢? (我很喜愛鄭秀文的文字, 非常有「人味」, 尤其喜歡尾二段的「一種屬於愛情的快樂」和「頭上的草菇」。大愛。)