目中無(其他女) 人, 「目不出軌」。

目不出軌 (高慧然博客)


都說我是個奇怪的女生, 我可以跟男性友好談美女, 講得好無顧忌, 有時, 都講得幾盡。


傾下傾下, 我會想像, 我真的「能夠」跟另一半談論美女嗎? 真的不會"un" 住嗎? 我想像, 都應該真係可以喎, 真係ok, 真係無"un"喎 (係咪要迫自己"un"住呢?), 可能因為我從來沒有過那種要另一半「除了我, 目中無人」的不切實際幻想啩,  這大概是人長得不漂亮的「好處」- 我做人, 從來都不是活在一個bubble 之中。


而且, 誠如高慧然所說, 「心思單純地欣賞一個美女，其實跟欣賞一幅畫，欣賞一片美景，為一首優美的旋律動心一樣，陪他一起欣賞便是。男人被美色吸引有甚麼可怕的？男人被某個女人的內心世界吸引，那才是噩夢的開始!」


美女的美既是一個事實, 而美物的確是值得欣賞的, 陪他一起欣賞便是, 欣賞過了, 就好。


但是, 有時又會想, 將來會不會遇到一個男人, 喜歡他喜歡到一個地步, 讓我變成我眼中很 _ _ 的那種女人? 例子可參考我因為工作關係看了的葉念琛《我的最愛》中, 唐寧的角色, 她說: 「我唔係想check 你電話, 但係同買衫唱k一樣, 呢個係我嗜好囉」(無言....)。


假如發生這樣不幸的事, 喂, 在看blog的你, 麻煩到時摑醒我。