炒股不如炒豆苗。pea sprouts stock exchange. (edited, ignore the previous one, for those reading via Google Reader)

上周五, 在朋友家吃了一碟美味的炒豆苗 - 好明顯, 我當時是個唔知菜貴的盲炳…
翌日早上, 我哥哥叫我估下, 之前一天 街市d 豆苗賣幾錢一斤, 盲炳如我, 猜: $30 (那算貴了吧?) 吧.... 哥說: 係 $40 半斤囉, 唔該。我即時大叫: 嘩嘩嘩, 我昨晚在朋友家中, 食左人地好多錢呀....

菜價一日高過一日, 媽媽每日匯報「菜市」新行情 (勁過股市, 暫時只升不跌),我媽最喜歡煮/吃蔬菜, 三個人吃一餐飯亦每有兩款共 n 斤的蔬菜上檯... 今時唔同往日喇各位, 昨午的一碟菜, 可以用「我見猶憐」來形容, 亦想起打仗配給的日子。

前晚出外打邊爐, 滿以為難得賺到酒樓一筆, 點一碟仍然叫價$38的豆苗, 你精我都精 - 梗係「唔好意思, 豆苗今日無貨呀, 小姐」。

後來, 我忍不住問朋友, 上周五果碟豆苗, 其實幾錢一斤 (我家跟朋友家相近, 理應是去同一個市政街市的!!), 朋友 check 過後, 原來是$20 半斤 (看來我哥哥要請教朋友家中的菲姐姐, 哪個菜檔咁平了, 嘿)。

朋友順便又告訴我, 昨天的豆苗, 是 $150 一斤!!!!!!!!!!!!!!!!!!

究竟有誰會買來吃呢?? 精明主婦如我媽打死也唔會買; 而換了你是家傭, 也不敢自作主張買這麼貴的菜吧? 「今日唔食豆苗會死症」患者??

預言乙個: 再過兩日可能要逐棵賣, 「好靚豆苗, $10一棵, 埋黎睇埋黎揀」。

馬後炮乙枚: 噢, 前幾天情人節, 男朋友應該買一束豆苗給女朋友嘛!! 多體面, 定必貴過999支玫瑰。

嘿嘿嘿。