(花痴 post again)
stella so 的《老少女日記》 - 「老少女沉迷記2」完全是我的心聲!!
雖不好意思承認, 但又確實如此!!
我做了的: 格格漫畫#1, 2, 3, 6, 7
想過做的/到最後好可能真係會做的: #12 and #13 (話說呢, 在tbb做的時候每星期都有免費tbb周刊, 以前每星期拎佢回家, 都係用黎墊野收場…萬料不到…為了社長和殷賞, 有(想)「買tbb周刊」的一日…)
延伸閱讀 「老少女沉迷記1」
我做了的: 格格# 9, 10, 11
我的感受: 格格#1, 2 and #3 (哈哈哈)
又話說, 我之所以迷上《畢打》,是在外婆過身之後, 想找點讓腦袋休息一下的事做, 想起朋友推介過幾次的這齣劇集, 於是上網看一下, 結果就一頭栽進去了!!
好些年前, 我哥哥跟前大嫂離婚, 我看著他採用「電視治療法」來分心, 當時仍是vcr 時代, 而他又返夜班, 他每天都很認真地錄下某劇集來看, 每天如是, 假如某天他忘了錄/我佔用了錄影機/ 總之他看不到, 便會周身唔聚財, 毒癮發作一樣 - 當時我覺得好奇怪, 現在 (有了「體會」)方才明白, 「電視治療法」的偉大功用。
3 comments:
講都睇電視，我都算是表表者，因為平時太用腦，晚上回家後，看看電視實在可以讓腦袋休息一下。最勵害的一次是搬屋的時候，朋友來幫忙，把電視放入紙盒裡。到了晚上，我挨不過來，自己一個把死咁重的電視從盒子裡拿出來。沒有電視實在好難過。
講都tbb處境劇，我都算是表表者中的表表者。真情、男親女愛、皆大歡喜等等，我都不知看了多少遍。。。但講到畢打。。。不過，我也很喜歡＜老少女沉迷記＞，還把那個blog放在我的blog list，這是我頭一趟把不是朋友的加上！
woodstockbb: 你絕對絕對梗係睇電視嘅表表者 (你可以考慮起番個網名, 叫"電視表姐"呀, 哈。真係多得有你呢d 忠實tbb觀眾, 我先有糧出, 多謝哂)。
完全想像到你一手「救」番個電視嘅場面, 其實當時割爛個紙箱會唔會快d? 又, 我真係想像唔到你無電視, 如何活下去囉。
你都知, 我極少極少睇tbb劇集喇, 舊年有幾個朋友不約而同地極力推介「同事三分親」, 我都未睇, 結果我睇左「畢打」先囉 (同一組創作人員)...係呢, 你點解唔鐘意 (我估, 你只寫 "...")「畢打」呀?? 除左我愛的社長, 毛舜筠做殷賞都好好睇喎。又其實, 欣宜都做得好ok,愈做愈好。其他年輕演員都很不錯, 幾位老人家 eg 何b, 吳君麗姐姐(已無做)就oh well 少少。
by the way, 哥哥當年就係睇「皆大歡喜」。仲有, 當年 (n年前)同小肥鴨去加拿大寄居潘珍妮屋企果次, 珍妮d 親朋一聽到我響邊度做工, 就當我神咁拜, 猛同我傾「真情」的劇情。其實, 我一集就無睇, 但又搭到嘴, 滿足他們。
憑我呢個電視表姐，我真係覺得以前啲劇好睇d，有好多老戲骨，劇本又好，d人物角色鮮明得來，又可以嚮日常生活道搵到，學到好多人生道理。誇張啲講，學識造人。
畢打就只有數丁孭飛，故事又冇咁多人情味，大多是情情塌塌。相反，早排唔洗返工，下晝睇真情重播再重播，都仲係覺得好好睇。嗰d戲骨(司琪姐、黎宣、曾江、劉丹、蝦叔、順嫂)唔洗講野，淨係一個眼神、一個笑容都已經殺死你，勁。就算後生d嘅蔣志光、蘇玉華、馬蹄露、劉愷威、鄭子誠都好好。緊係啦，跟住d老戲骨。
皆大歡喜有家燕姐（不過我唔係好鍾意佢d誇張）、劉丹、阮兆祥、小蕙、鄧兆尊、行姐、謝天華、趙學宜、同埋我好鍾意嘅林漪娸...又攪笑，好。
Post a Comment