曖昧是我杯茶?!

跟火小姐形容《畢打》有mud 咁好睇: 社長同跟賞賞的感情曖曖昧昧, 兩人d 對白拳來腳往得黎又蠻有feel...(其實仲有, 最重要的是, 毛舜筠和黎耀祥都好好戲, 好戲之人的交流非常好看, 而兩人又出奇地合拍)

火說: 「mud得你硬係鐘意埋呢d 鐘意人又死唔表白但又死唔斷氣曖曖昧昧的劇情架!」

幾日後, 跟畢打同好(朋友的太座)提起此事, 她說: 「唏, 曖昧期最好玩嘛, 表白左就唔好睇架啦嘛」

後來, 跟朋友兩夫婦繼續傾其他野, 提起 n年前的《城市故事》(記~得~嘛~? 記得都應該扮唔記得?!), 我即時提起表哥溫兆倫和表妹何美婷…

我恍然大悟: 「哎呀, 死, 我真係由細到大都鐘意埋d 曖昧野添」

死得。