未來。未。來。

上星期某天晚上, desktop 用用吓, bub一聲, 死掉了。估計是燒左火牛, 但由於家人回港探親, 下星期先處理佢。

最初幾天, 沒怎麼特別大的感覺 (主要是因為, 失失地憶的我, 需要d時間才想得起電腦裡面有d 咩野未backup, 加上當時最大的感覺是憤怒 -- 我有份工作的稿件做左一半呀唔該, 要重頭做過....), 後來慢慢才浮現起一次半次「哎呀, xx 響裡面呀」、「哎呀, xx 未backup 呀」...可幸, 那些xx 不算太多。

人的性格總是「連戲」的吧, 以我的為人與個性...

無左, 就無左囉。
繼續愉快地向前走。

因為我深信,
最不捨得的, 正在未來 --
等待著我去發掘。

它還未。來。

愛情潛水與崖上的波兒。submarine and ponyo.

上星期看了《愛情潛水》, 好一齣 offbeat teenage romance, 影評完。

看後再次確認: 我是一枚成年人, 完。我想, 假如我看後仍然真心地覺得「好好看, 係我杯茶啊~~」(我在facebook 看到d 廿歲妹妹仔的看後感), 我就大鑊了 -- 原來我心智上, 仍是個16歲 至18歲的少年人。

《愛》令我回想起幾年前《崖上的波兒》的觀影經驗, 當時好多成年人都說 (假如你有份, sorry 唔好意思, 呢度係個人意見節目, 你可以轉台, 拜拜): 「啊~~ 波兒好可愛啊~~ 好好睇啊~~我好鐘意啊~~」 -- 好, 先旨聲明, 我沒有否定波兒的可愛, okay? 佢亦的確好睇, but for kids only, period. --  我只是覺得, 波兒明顯是一齣乾淨過用1:99漂白水浸泡過、100%拍給兒童觀看的兒童片。假如一個成年人真心真意覺得波兒係佢杯茶, 那麼, 看完電影後, 你也不妨叫到餐廳叫一個兒童餐吃吧。

我又想起在《親愛的安德烈》裡, 安德烈唔明白宿舍裡的大學生情侶, 為何會拿著兩隻毛公仔在baby talk -- 我猜, 那對情侶一定也喜歡波兒吧。

香港是一個沒有age-appropriate 概念的城市, 哀哉。

先飲為敬, 未飲已calming.

馬莎漂亮的茶包盒, 未飲已收calming 之效。

影左當買左 (2).

一星期後, 圖二果個手袋 (紫色水桶 (?) 袋), 呢個呢...

呢個色已賣ed, 還是影左當買左穩妥。
大家估吓幾錢?? 不知名品牌, 沙田某商場某角落小店, 登登登登....
都要$1900! 呢個咩世界??

枉我自稱....

枉我自稱憶蓮粉絲,

我竟然唔知道有此合唱版本

畢大b 與linus.

前幾日方發現, 朋友的兒子畢大b 原來有d似 我最愛的linus -- sorry, 除左d頭髮... 畢大b 頭髮非常濃密, 可憐的linus 只有4條毛... 可以撈埋分兩半就好了 -- 因此只有linus 戴左帽/ 搵唔知mud 野笠住個頭果d 先似, 例如呢張, 係勁勁勁似。

我覺得遮, 畢大b的「製造商」未有就事件回應。

慳錢大法: 影左當買左, (click), 得左

我d袋, 唉, 多到, 唉, 有10個我, 唉, 每個我有10隻手, 唉, 都用不完 -- 最頂癮的是, (1) 我最喜歡的、常用的, 其實來來去去只是2, 3個而已。(2) 我用野好gang錫, 加上只買質地好的貨品 (cheap 但精的cheap精是我....!), 基本上好少發生用爛野的情況 (老爸睡著都跳出來插嘴: 你咁多袋, 邊得黎用得爛ah..... 佢曾「讚嘆」我某個袋, 不是讚我大家搞清楚, 某個袋被我用到超殘而我竟不離不棄...他曾細心研究那個袋究竟有咩咁巴閉....) 。唉。

上次有好姊妹來drop 低d 野幫媽媽, 第一次來我裝修後的家, 入到我睡房的第一個問題就是: 「你d袋放響邊呀? 夠位擺咩?」唉。


因此, 最近實行「影左當買左」大法, 行街見到漂亮的袋, 影低佢, 看著歡喜, 就行。

這是近期我很喜歡的兩個袋, 兩個都在店舖關門後才看到 (上帝保佑! 哈哈!)....

有d 信徒覺得信仰修為呀退修呀定必要在荒蕪呀、不受打擾的環境下進行, 總之就是類似粵語長片裡那些閉關/ 練仙的場面和感覺喇。幾年前我唸的神學院位處九龍塘, 當時跟相熟的老師說: 每天經過又一城搭車回家, 正是小女子修練的時候囉, 果d響離島呀新界偏遠地區呀的神學院, 對我的impact 應該無咁大, 原來我無揀佢地, 原因係咁。

(畢先生, 係, 我又會expand 來寫稿, 哈哈哈, 我「衣」的貨遠比「食」的多!)

Leo Ku - Belated Love (古巨基 - 愛得太遲)

奇片分享, 《愛得太遲》-- 竟有人譯左英文解說 -- 譯得ok喎!

給v -- 電影說。

before sunrise/ sunset 對於戀愛是「談」出來的那些人來說, 絕對是上佳的愛情片 -- 有朋友不解地說過, 「兩條友齋講野, 講足90分鐘, 究竟有咩好睇呢請問?」...(好明顯, 呢個, 唔係真係我朋友....坐開d先....)

before sunrise 屬於那些年輕的日子, 看著它的poster, 提醒我, 我也年輕過 (記憶有點模糊了....) 。

現在的我, 當然也是更喜歡before sunset 那種...過盡千帆皆不是。

《甜蜜蜜》和《十二夜》也非常好, 你有沒有看過岸西的《親密》? 很多人受不了了 (一字記之曰悶喎), 我卻非常非常喜歡, 她竟把「曖昧」這回事、這畢竟有點虛無縹緲的狀態, 表達到出來; 而兩人之間的「張力」, 亦跟before sunrise/ sunset 有得揮。

去年有兩齣不錯的推介: (1)《志明與春嬌》, 粗口橫飛之餘, 也溫柔到飛起。(2) 阿根廷片"the secret in their eyes" (配一個極極極衰的中文名《謎情追兇》, 唉), 那一抹柔情, 盡收眼底, the secrets in their eyes, indeed.

看後你會明白, 愛得太遲, 是真的。

電影還有甚麼好說? 很多很多, 讓我慢慢說…

後加: 仲有仲有,《安娜瑪德蓮娜》(係, 我愛岸西!)
再加: 仲有仲有仲有, 張艾嘉的《最愛》和《心動》....

假如讓我加下去: falling in love (信是有緣?), once (一奏傾情), 《其後》....

基督教週報專欄 (6月5 日)

咁樣係咪更過份呢?? 哈哈
睇到就得啦, 唏!

基督教週報專欄 (5月29日)

我唔scan 野, 影相當scan 左。

快樂是...

昨午經過畢先生的家, 想起畢大B果個鐘數會響樓下踩單車, 姑且走入屋苑睇吓見唔見到佢, 又俾我見到佢。

佢一邊踩單車、一邊揮著額上汗水, 微笑著, 一邊跟我打招呼。

快樂, 就是如此簡單。

醫師說....

煮食都要與時並進, 個世界變哂, 唔可以一本通書 (薑書?) 睇到老。

before sunset @k11.

k11 的 agnes b cafe, 整家店都是向街落地特大玻璃窗, 相當有feel.

一個令我想起before sunset 的地方 (雖然其實片中的cafe 非常幽暗...),
還真有點 parisian 的感覺 (雖然其實我未去過巴黎...),

(叉起腰) 咩遮!!

牛仔 牛仔 牛仔 牛仔 牛仔 牛仔 牛仔 牛仔 牛仔 牛仔. (x10)

熟悉我的朋友都知道, 我買平而筍野的能力、天份同運氣都非常強, 以上可說是我的代表作 (bargain of my life), 極便宜購入一系列十套的二手「牛仔」, 揹回家後, 癱左。

細個果陣買唔起, 而家補番? 本來的價格是$72一套 x 10! 而家是$20 x 10.

拜託不要上門爆竊....!

莫失莫忘12357.

剛想起, 幾年前寫過一篇關於12357事件的「指鹿為馬」, 被某民間政論BLOG LINK左, 唔知關唔關咁事, 上次北上時, 我發現原來「早國」係上唔到我個BLOG的。

世界已超越「指鹿為馬」的境界, 直頭達到「指天篤地」級, 我的感受亦已超越「令人髮指」。22年, 再過22年, 再過44年, 親歷/透過媒體接近同步目睹12357 事件的人都死光, 世界仲可以指甚麼??

唯願, 莫失莫忘。