more dishes....no more la.

another night's dinner.
我超愛吃青豆粒粒炒蛋的!

dishes....

for my "good sister" who was looking for more food in my blog...
唔post 在facebook 了, 是blog友 專屬優惠啊

沒了林曉培心動的日子 電影《心動》導演: 張艾嘉 Sylvia Chang "Tempting Heart"

給沒有看過的你。

文字戀。

我最愛看的blogger 之一, 其男朋友本來是其讀者, 兩個網友約出來見面, 後來就響埋一齊了。在blog上看到他們的點滴, 也感到他們的匹配, 並為他們快樂 -- 我愛上這個blogger的文字, 緣出她幾年前一篇寫在街上看到前度經過她身邊的blog...現在「修成正果」, 因此特別為她快樂。

前幾天看那 blogger 的微博, 輾轉去到其男友的微博, 上面mud 都無, 只有一張張天空的照片, 寫住一個個時間, 如 21:59, 13:46 -- 假如你有看過張艾嘉導演的《心動》, 就會明白那是甚麼回事。

我收番果句「上面mud 都無」, 上面mud都有, 仲浪漫至極。

荷包蛋。

老爸說, 我煎的荷包蛋比媽媽的好吃, 因為 (1) 我落多D油 (2) 煎得香 (= 燶D)

嘿。嘿。嘿。

有漏洞的母愛。"insufficient" motherly love.

(好聳動性的題目!)

媽媽教我揀呢揀路, 提到我最喜歡吃的節瓜時, 自然特別留心聽, 她教我要揀「有毛、青嫰」的節瓜, 我的即時反應是: 「唏! 邊有節瓜無毛架?」 她說: 「梗係有啦, blah blah blah...」

昨天經過教會附近的街市, 以前不嬲掂行掂過, 昨天特地留意幾眼, 真的給我看到「無毛的節瓜」-- 呢, 那些pat 埋一二邊、 五蚊一大份、跟梅花點多過黃色的香蕉並放在一起。那些節瓜, 果真是無毛的, 仲有, 佢地好耐無做facial。

我更正, 我該說, 我家從沒出現過無毛的節瓜。
這就是母愛的漏洞了。

#####

又, 各位有沒有發現, 自「賢妻良母特訓班」開展以來, 我寫blog/ facebook 的frequency 不跌反升呢? (我知, 本來都好高, 我成日俾人gut的)

沒辦法啊, 每天買餸譯稿煮飯洗碗譯稿煮飯洗碗譯稿, 真有點悶...。我突然明白, 點解d家傭姐姐一趁主人不在就講講講電話喇!!

我特別想講多句, 我偉大的媽媽, 退休前跟我一樣home office, 每天買餸車衫煮飯洗碗車衫煮飯洗碗車衫, 外加打理到一室窗明几淨, 照顧丈夫妥妥貼貼, 湊大三條頂心杉 (真係好頂個喎!!), 後來再加上炒股買樓呢?

佢真係好厲害。

一家人在曬太陽。

太陽猛烈的日子想唔好咁曬,
天陰陰的日子又想出太陽,
點解人咁麻煩的呢?

但是, between that and an emotionless robot, 我寧願麻煩d喇。

除下吊帶前。

就咁, 即或我不是信徒, 我也不鼓勵婚前性行為 -- 也許我該這樣說, 我完全想像不到, 在一段 (又一段…再一段…losing count already...!)沒有commitment 的關係裡 (sorry, 拍拖是沒有長久commitment 的, 不然第一次去完街就過大禮啦!) 如何「能夠」把自己完全的「給」/ 「呈現」(reveal) 給對方。

薛凱琪長大了。去年的《分手說愛你》固然做得好, 呢首歌也唱得好有感情。大抵就像mv 的情節一樣, 俾仙人掌拮過, 自然咪會長大囉 -- 至於拮過都唔長大果d, sorry 無人幫到你, 祝你好運。

wyman 的詞, 如常地掂。要跟少年人談性說愛, 播呢個mv作為discussion starter, 豈不比那個荒謬的「同隔離位同學交換對方隻鞋, 感受吓著舊鞋的滋味」的活動更有意思?

申報利益先: 好明顯我係一個唔會只聽基督教歌手呀音樂呀歌呀果種人, 講真, 聽過一d 教內講戀愛的歌, 比《除》膚淺的、神學有問題的, 都有啦 (唔好問我邊d, 我死都唔會講!) -- 咁當然, 也有不少是蠻有意思的 (封定後門先! 我始終仲要在教內立足....!), 那就正如教外也有有立場、有意思的歌的囉。

咁當然 x2, 你硬係要覺得「教內誇啦啦, 教外返歸吧」的, sorry, 無人幫到你。你亦都唔好黎搞我, 多謝唔該麻煩哂。

嘉美蛋....

究竟有嘉美雞先, 定有嘉美蛋先??
$2@, 唔係成日有得賣的。

garden on the 18th. 十八樓的浪漫?!

朋友家位處空氣異常稀薄的港島半山區 (我住九龍, 呎價爭N倍),
住十八樓 (我住九樓, 計樓層先輸一半, 計海拔就更係算把啦) --

瞧, 人地種玫瑰, 我地又種玫瑰, 美得多了 -- 唉唉!!
但係, 佢果棵紅玫瑰跟我家的一樣, 發霉收場 -- 嘿嘿!!

quote of the day.

「我們這一生，遇到愛，遇到性都不足為奇，難得的是，遇到了解。」-- 話劇《柔軟》