老少女大聯盟!! Old girls unite!!

(花痴 post again)

stella so 的《老少女日記》 - 「老少女沉迷記2」完全是我的心聲!!
雖不好意思承認, 但又確實如此!!


我做了的: 格格漫畫#1, 2, 3, 6, 7
想過做的/到最後好可能真係會做的: #12 and #13 (話說呢, 在tbb做的時候每星期都有免費tbb周刊, 以前每星期拎佢回家, 都係用黎墊野收場…萬料不到…為了社長和殷賞, 有(想)「買tbb周刊」的一日…)

延伸閱讀 「老少女沉迷記1」

我做了的: 格格# 9, 10, 11
我的感受: 格格#1, 2 and #3 (哈哈哈)

又話說, 我之所以迷上《畢打》,是在外婆過身之後, 想找點讓腦袋休息一下的事做, 想起朋友推介過幾次的這齣劇集, 於是上網看一下, 結果就一頭栽進去了!!

好些年前, 我哥哥跟前大嫂離婚, 我看著他採用「電視治療法」來分心, 當時仍是vcr 時代, 而他又返夜班, 他每天都很認真地錄下某劇集來看, 每天如是, 假如某天他忘了錄/我佔用了錄影機/ 總之他看不到, 便會周身唔聚財, 毒癮發作一樣 - 當時我覺得好奇怪, 現在 (有了「體會」)方才明白, 「電視治療法」的偉大功用。

其實呢...

有無人發現我開多左個blog??
得閒無事寫下, 專講旅遊點滴。

http://anomadatheart.blogspot.com/

曖昧是我杯茶?!

跟火小姐形容《畢打》有mud 咁好睇: 社長同跟賞賞的感情曖曖昧昧, 兩人d 對白拳來腳往得黎又蠻有feel...(其實仲有, 最重要的是, 毛舜筠和黎耀祥都好好戲, 好戲之人的交流非常好看, 而兩人又出奇地合拍)

火說: 「mud得你硬係鐘意埋呢d 鐘意人又死唔表白但又死唔斷氣曖曖昧昧的劇情架!」

幾日後, 跟畢打同好(朋友的太座)提起此事, 她說: 「唏, 曖昧期最好玩嘛, 表白左就唔好睇架啦嘛」

後來, 跟朋友兩夫婦繼續傾其他野, 提起 n年前的《城市故事》(記~得~嘛~? 記得都應該扮唔記得?!), 我即時提起表哥溫兆倫和表妹何美婷…

我恍然大悟: 「哎呀, 死, 我真係由細到大都鐘意埋d 曖昧野添」

死得。

龍應台寫《目送》的原因。

我發現，
有些事情，人們不談；
有些情感，人們不說；
有些眼淚，根本流不出去；
有些傷痛，你不知道痛在哪裡。
因此，我寫了《目送》，送給你。
－－龍應台

又來秘景餐廳 Yet another mystery restaurant.

 

秘景餐廳環節又來了, 常常無啦啦撞到這些「罕貴」(樓盤用語)秘景餐廳,
那天看到這個景 (特別是外面的無敵景),
心底浮起: 找個談情說愛的對象, 在此談上一天, 那就是我的完美的一天了。

不說你準不知, 這是一間…

…
…
…

大
家
樂!!

大家樂@ 元朗濕地公園, 入場費位位$30, 比海洋公園和迪迪尼combined 有更多更無限的驚喜
(驚: 長大了的巨鱷貝貝, 喜: 此大家樂, and tons of little lovely things),

本年度一大發現和推薦。

無處不在的…社長。

(按: 發花痴時間, 本來打算entitle「我愛社長」, 哈。又, 假如你不知道社長是誰, 可以skip是日entry。我向你誠意推薦大婆台難得的好劇 -《畢打自己人》, 睇完再visit 敝blog 啦你, 係咁)

在柴九以前, 我就很喜歡黎耀祥- 又其實呢, 我無咩點睇柴九, 本人唔多喜歡古裝劇…

數年前本人的工作跟大婆台的中文劇集有關, 當中有不少是香港都無播直銷海外的貨色(點解唔播?? 嘿嘿嘿, 睇過你就知, 要幾…有幾…)。當時就發現, 黎耀祥的演出, 次次都有驚喜次次都好睇, 他多數飾演男主角呀女主角呀(都係果d 「唸對白機械人」甲乙丙, 姑隱其名)的大哥呀老友呀果類角色, 排名第三第四左右, 但是, 真的真的真的, 次次睇都有驚喜次次演繹都有不同, 類近的市井小人物 (他擅長同埋幾被定型的階層), 每一個角色就是有那末丁點的不同, 超勁。

而又正因為他幾被定型做市井小人物, 《畢打》裡仍做社長又揮灑自如, 咁先點到你唔服, 我睇《畢打》果陣, 完全想像/ recall 唔到佢同時又曾經係《同事三分親》的大廚哥哥同《click入黃金屋》的ok明, 佢d演技, 又掂又恐怖。

我以前成日同老細講, 有黎耀祥做的劇, 可以多分點俾我, 做得特別起勁 (做過一些「比死更難受」的jobs…)

柴九令黎耀祥人氣急升, 做左廿幾年終於大紅 (算啩), 由衷為佢高興。但係呢, 佢咩廣告咩代言都接, 最近竟有點黎耀祥太「無處不在」的感覺(早陣子鄧萃雯受訪時用語, 極妙)。 昨晚回家時留意一下, 巴士上有兩個佢代言的產品廣告滾筒式重播, 紅隧有一條東海海鮮酒家大閘蟹的超大型廣告牌 (有至少三個佢!), again, 點到你唔服… 前幾天跟朋友談起《畢打》和黎耀祥, 某朋友同意佢演技係好, 但「實在接受唔到每朝返工出地鐵都要對住n隻佢隻腳板」喎, 呵呵呵。

黎耀祥, 加油, 努力。

社長, 我真的好愛。

(發花痴完畢)

我的父親母親,有時還有哥哥嫂嫂。

 

今早送別二哥二嫂, 暗自盼望, 他們下次回來, 是快快樂樂的回來探望家人 (少不了一日吃足n 餐膽固醇爆標的食物…) - 雖然一定會加插意見不合面左左的環節, 也無可奈何…也是我家文化的一部分 (二佬, 唉, 昨晚已想對你說, 你每次返黎都要捱一「野」, 頂得住就算喇), 而不是奔親人的喪…

離開機場後跟爸媽到處逛了一會, 回家後load 照片進電腦, 給爸爸看, 爸爸細看了一會, 只說了一句「媽咪呢排真的瘦了許多啊」。

我的爸爸, 從來都話少。話少的人說的話, 比我這只開籠雀, 動人得多。

餅印四枚。

 

好些朋友出席了外婆的守夜和出殯,
紛紛在說, 我長得像媽媽, 但更像外婆 (我自己從沒這樣想過)
又說, 我跟兩個哥哥餅印一樣, 走難一定不會走失,
又說, 我們全家都食左防腐劑, 千年不老...

特找出小時候的照片,
真的是四枚餅印,
我們四人的樣子,
真的千年不變,
笑容也如昔。

貝貝長大了, 成了大鱷

 

還記得南生圍的貝貝小姐嗎??
長成了大鱷魚!! 很可怕!!

又, 濕地公園原來非常不錯。

情常在。

母校的舊翼給拆清光了,母校亦已搬了去友人火我的母校舊址寄居三年, 但它的名字仍是一個公車站名, 每當公車響起「下一站係xx女書院」時, 我總會想起少時的點滴, 但是, 抬頭一看, 卻看不到舊翼了。我, 總會在腦海中用虛線把它描畫出來。

下星期這個時候, 外婆的殯葬儀式將已完成, 火葬式在下周二早上舉行, 屆時外婆的「實體」也會消失, 只能在我腦海裡, 用虛線描畫出來...這個事實, 仍然令我很哀愁。

情常在。

chet and eman lam has a smart mum, for sure - a wonderful idea for my mama friends.