一個很「香港」的配眼鏡經驗。

我常跟朋友說，my favorite restaurant 澳洲牛奶公司那種待客之道，最能體現「香港精神」: 快而不亂、唔斯文但又唔代表無禮貌、員工之間超強勁的合作無間、最緊要賺錢。

我常常經過教會附近一間「蚊型」舊式眼鏡店，只由店主夫婦二人打理，店子令我想起 MOM AND POP SHOP (我爸媽退休前也是營運一家mom and pop shop的)。每次經過都想試試在那裡配一副眼鏡，當為一點支持，今天終於這樣做了。

想不到, 也是一個很「香港」的經驗，店子蚊型嘛，不要緊，最緊要靈活變通：

沒有連鎖店的驗光師白袍，也沒有「飲ｄ咩野呀，小姐，汽水啱唔啱」，
有的是發黃的驗光師證書（我估係…啩！），
店主叔叔替我安好適合我度數的驗光眼鏡（戴上後變身《超人特攻隊》的edna婆婆）後，
做左一輪「正常」的驗光測試後…著我走到店門…

考我店外１０米路牌上的街名的英文字和門牌號數（一個勁！）、
對面街隔幾個舖位的招牌上font size極細小的電話號碼，
並告訴我，那正是小朋友看黑板字的距離…（兩個勁！）

待我再次安坐驗光椅後…店主叔叔隨手拿起
（經佢細心研讀過…寫哂心得的）馬！經！一！張！
問我睇唔睇得清楚font size最細的字（十個勁！）

你話，係咪香港人精神，夠哂靈活變通？！
眼鏡未配好，我已經覺得，抵玩哂。正。