有沒有愛過。

每個人心裡, 都有一首歌。

每個多情的人心裡, 都有很多故事。

應該就係響呢個演唱會上,

張艾嘉在台上問李: 「你究竟有沒有愛過我?」

李宗盛無答, 但係, 搞成咁。

輸贏之間。

咩叫感情裡的輸贏? 我不知道。

但是, 呢分半鐘, 我每次都輸在王家衛手上, 眼濕濕收場。

(hat tip to v) 湊那些年的熱鬧 -- 誰是你的沈佳儀。

[hat tip to v]

v 說: 「大家都說小說啊電影啊都很感動，但如果你是女主角，唉，大鑊，真頭痛。」

完全同意, 我地預備在教會傾《單身男女》提過: 果d浪漫呀感動呢, 大前提係你lum 做果d野果個人囉, 不然浪漫愛情片就會變成驚慄片囉。(試想像, 一個幾年無見以前其實一d都唔熟的舊同事, 突然約你出來喝咖啡, 然後記得你飲咩咖啡用咩奶落幾多糖。就算杯咖啡幾合你胃口, 都好有驚慄味道吧?)

或者, 把我寫成女主角ok, 但拜託作者不要爆紅像九把刀....by the way, 咦, 這不就是真實版的《安娜瑪德蓮娜》麼? 可是, 《安》裡的陳家富是霉dum dum 的作家, 點寫莫敏儀都無關係。

另一樣我想唔明的是, 其實點會有情侶一齊去睇《那》呢 (besides 真係puppy love 緊果d)? 男人心底裡掛念/心繫初戀情人 (或1x歲果陣暗戀果個美少女), 呢d野, 女人知道就算啦, 反正沒有人能贏得過回憶 (你又得閒拎出自己的回憶來抗衡吓囉)。何解要一齊去睇《那》, 然後仲感動到喊, 然後覺得好浪漫, 然後仲響戲院內或外, 來個情深熱吻呢?

你細想吓, 成件事, 好黑色 (sorry, 今次只有黑色沒有幽默!)。

第三次世界大戰。world war iii.

我想, 要引發第三次世界大戰, 有一個非常簡單的方法 -- 只要把你在facebook 和google+ 的甚麼close friends 呀acquaintances呀的list公開, 讓你的朋友看到佢響哪個category , 就成了。

肯定天下大亂。表面上非常「簡單」的方法, 實情很複雜 -- 人際關係, 從來都是最複雜的事。

facebook 我並沒有set 甚麼close friends list, 也從沒有block 過任何人看不到我寫的東西 (除了一次, 畢先生叫我幫忙, 搞他送給畢太太的一份禮物, 我怕穿煲就唔好玩, 就block了畢太太看不到那個有關的status -- 但實情畢太太 n 年都唔上一次facebook囉, anyway)。我堅持, 我寫得出就唔怕人睇, 而你硬係要block 左某人看不到某d野, 呢個世界咁邪, 科技咁唔可靠, 人言咁可畏, 對方總有辦法收到風的。這是我的信念。

至於google+, 我沒有時間認真 explore, 因此至今仍處於「有人add 我, 我就add番佢囉」的被動狀態。但是, add佢果一刻, 開始學習將對方分作 "friend" 抑或 "acquaintance", 對我而言, 是嶄新的學習。friends 與acquaintances 之間的距離, 似夢迷離。

這幾天, facebook 再次發生了一些人言可畏的事。這一次, 我動氣了。

做人除了惕言, 原來更要惕友 -- 交友 (add "friends" on facebook) 時要警惕, 因為你add 某人時, 同時間接add 左他的friends of friends -- 眼前友人的真面目已難看清, 何況是你以為認識、只係識識地、甚至毫不認識的friends of friends 呢?

沉默的訪客。silence of the visitor.

我成日覺得, 果d 守衛森嚴的屋苑, 好有探監feel。d 屋苑管理公司, 其實是把住客當成了犯人 (探監果個係自由人, 住客卻被困, 呢點最諷刺) 成件事好黑色幽默。

我試過在屋苑地下 (商場entrance) 入口登記了 (審犯一樣, 我是犯), 然後上lift 行緊去我要去果座時, 一路聽到d 保安員用walkie-talkie通傳, 表示「係, 係, 係, 果位著咩色衫的訪客, 係, 係, 係, 係行緊過黎喇」, 我想起the silence of the lamb裡, jodie foster 行去探hannibal lecter 監果一幕....
表面沉默的訪客, 其內心的獨白, 噢, 多麼色彩豐富, 多麼澎湃。

哽咽的一刹。choked up.

那哽咽的一剎, 好動人。

平行宇宙裡的我。parallel universe me.

剛過去的weekend, 我提筆開始寫一些平行宇宙裡的小故事、小片段。

天馬行空是肯定的了, 未寫之前, 滿以為它們會比現實圓滿,
誰料, 它們更黑色、更深沉, 也比現實更現實。


我這才開始認識, 陽光小姐外殼下的那個自己。
跟暗黑小姐 (黑雲小姐? little miss black cloud?) 相逢, 幸未晚。

我大概是當不了愛情小說女王的喇, 但是, 這很好, 非常好。

曾為君栽種。

勁期待《賈寶玉》。desperately waiting for the "awakening".

「黛玉：我們會再見面嗎？
寶玉：要分開了，才能再見面的。
黛玉：既然能見面，為什麼還要分開？
寶玉：因為.....這樣我才能掛念你。
黛玉：你的心裡只有我嗎？
寶玉：不。。。妳，就是我的心。

為了愛，為了我們的共同成長，所以我們必須學會放手。
這是我們的修行，也是我們的命運。」

甜蜜如昔。happily ever after.

劉青雲和郭藹明, 難得的銀壇夫婦。
我但願, 他們的甜蜜, 不是做戲, 是真的。


「郭藹明則笑言：『記錯咪可以慶祝多幾次，我唔介意。』」




無論是真是假, 劉太太的答案, 都非常有智慧, 也非常可愛。

設身處地。in his shoes.

同一件事, 從對方的角度來看, 也許, 真的是另一番截然不同的風景。我眼中的對方, 亦只是我構想出來 (因為我的歷史, eg 接觸過的人和經歷) 的「他」, 也許, 跟真實的他, 離天萬丈遠。

這是我最近的領悟, 一個非常可怕的領悟。

咁當然, 假如我無時無刻都能做到設身處地呀, 從對方的角度來看呀, 凡事有不同角度呀, 包容呀心平氣和呀, 嘩, 我就不會坐在這裡打blog, 早就升仙了。

學做人, 實在係一世的功課。

由當中的細節 完成尚未完小說。to be continued.

兩星期前的課堂, 老師說: 「生命裡總會有傷痛的時刻, 傷過痛過, 它會留下一個『故事』給你。」

「它會留下一個『故事』給你」, 我之後整整一個星期, 都在想這句話。我沒有想過, 這個寫作班, 給我有若counselling的 healing 作用。

早前我跟做counselor 的好朋友說起, 我說: 「原來做作家同counselor 好似, 那種洞察人性的能力, 簡直一樣」。老師後來說: 「寫作人的major, 不是文字, 而是人性。」-- 嘿, 我又bingo了....!

+ + + + + + + + + +

電影《愛誘罪》和《謎情追兇》的主線, 都是由主角藉著寫作來修補/ 改寫/ 重構 自己的過去。寫作不能讓過去重來, 但是, 大概可以彌補遺憾, 並一圓我們那些"what if" 的夢。


寫作班的suggested reading《作家談寫作》裡有這一句:

「也許寫作打開了一個平行的宇宙, 在那裡, 我們能夠隨心所欲運轉我們最深層的記憶, 並加以重新編排。(...) 也許, 只有那時候, 我們會開始了解我們的人生, 會去包容, 最終或許還會發現那些故事的美好。並非所有的生命都曾經是美好的, 但美好人生的標準也許是一種領會生命缺憾的方法, 了解到這些缺憾不可原諒,儘管如此, 還是能在每一天學會用另一種方式來看待它們。」


在那個平行的宇宙裡, 我會微笑著, 並由當中的細節, 完成尚未完小說。

「............

joke of the day:「畢生」講笑話。

畢生 (畢先生) 審閱我的稿件, 我有一句寫著「畢生住在xxx的我」,
畢生說, 他總把它看成「畢生 (他自己) 住在xxx...」

以上就是「畢生」講笑話。節目完。


最後, 由於我未死, 因此未算「畢生」, 於是, 畢生消失了。

又, 呢篇稿有一句極不通順的句子, 害得編輯甲把它大幅修改, 編輯畢 (!) 和編輯丙一個二個打電話來確定我想講mud, 編輯丙知道我是一枚鬼妹, 更叫我: 你用英文講都得架 (-_-*)

well, 這算是一項成就嗎? (哪門子的成就呢請問??)

夜半幾句。murmurs at night.

[單身男女一句] 畢先生說: 「子欣醒悟到, 佢最憎申然的朝秦暮楚, 其實自己都一模一樣」呢點幾好。

半夜想起, 都係。
而且, 果一下「照鏡」, 好真實。(雖然場景超現實@蘇州地盤)

+ + + + + + + +

[寫作班上] 陳慧說, 無野係偶然, 每個人的每個行為背後, 一定有一大抽野 (回憶, 過去的愛恨, 傷痕 etc), 令佢造出你眼前見到呢個行為。

寫故仔, 你固然可以創造角色背後果一抽野, 果一抽係mud野, 由你話事。當你眼前是一個活生生、有血有肉有歷史的人時, 當果個人背後果一大抽野係隱形 (to your eyes) 的時候, 又該如何呢?

+ + + + + + + +

[情迷追 "hung"] 重看《謎情追兇》, 令我非常感慨, 同行的友 形容得好: 跟看罷陳慧短篇小說那種「掩卷輕嘆」感, 很相似。

放下/ 放不下, 放過自己/ 放過別人, 忘了/ 忘不了, 說不出口的愛, 就這樣, 蹉跎大半生。幸好這是電影, 至少, 其中one side of the story, 可以小團圓結局。

這實在是近五年我最喜愛的電影。

把它推介給電影同好, 勁口賤的佬說: 「lang模做的《迷情追胸》, 會唔會吸引d?」-- ok佢講笑,  ok佢尋日睇左, 也迷上《謎》。(註: 呢個唔係畢先生, 畢先生口衰但不賤 <-- 畢先生, 你仲有黎呢度逛逛嗎? 我咁形容你, ok唔ok?)

原來係得嘅: 《單身男女》。

有時真係會走漏眼, 看了《單身男女》。噢, 原來係ok 個喎。


撇開「邊有咁筍邊會有兩個又靚仔又痴心一片又多金的男子力追不捨由香港追到蘇州再返香港再去蘇州呢呢個高圓圓憑mud野先得架你話佢」呢d 「港女」default 會講、又確實令呢齣戲變得相當「超現實」的因素外, 其實, 故事ok, 人物寫得幾細緻。


另一個超現實的因素是: 佢非常「脫離」(直頭唔可以用「唔貼近」來形容!) 咁唔「香港」的故事喎。well, 大概要咁跨地域, 才可以響中國上映吧? 我估。

點點滴滴: 

(1) 教會電影小組有組員提及, 我看罷亦同意佢所講: 其實呢個係一個「賤女」的故事 (片中程子欣同性感JJ 都鬧過張申然係「賤男」) -- 子欣咁搖擺不定, 其實都賤

(2) 我覺得, 其實唔係鬥兩男邊個浪漫d, 而係鬥佢地的track record: 申然輸在 (以前, 可能以後都會, 佢自己都唔敢寫包單) 爛滾、向子欣坦白自己以後亦只能「盡量唔會滾」、輸在佢係「地球人」。我覺得, 子欣最後揀啟宏, 未必一定因為佢以本傷人, 果個"marry me" grand 過申然個手寫version (另一組員咁諗), 而係因為啟宏係一個safe choice, 係一個出於理性的抉擇。申然會令子欣發顛, 其實已證明左, 佢真正動心的是申然吧? by the way, 啟宏請得性感JJ做員工, 性感JJ 仲要著成咁樣返工, 而啟宏竟然不為所動 (換了是申然, 大概天天不停流鼻血), well, 啟宏真係一枚火星男同"eleven" (字幕寫「十一男」, 極好笑)

(3) 「蛙兄死了」: 蛙兄代表子欣令啟宏振作的symbol, 仲要咁死法, 難怪啟宏咁大打擊, 仲要子欣知蛙兄死左而send sms 俾佢, 讓啟宏知道子欣知道蛙兄死了, 再撲上蘇州子欣老家, 情緒堆積左一段時間 (由蛙兄死, 啟宏跪在蛙兄面前半天, 再撲上蘇州, 又半天啦 <-- 所以無理由黃昏時份囉, 大陸d飛機成日delay架嘛, 你呃我嗎?), 擁抱繼而擁吻, well, 都難免喎 (有組員唔明, 點解講到「蛙兄死了」就咀。note: 呢篇野本來係回應組員的一個email 的內容, 我諗住唔好sai, 改少少貼埋上blog囉, v 好似提過《單》ah嘛.....)

(4) 兩男都變魔術: 唔知點解, 我覺得啟宏做得仲pro過申然。我覺得啟宏未必係要同申然鬥, 啟宏真正目的係想為子欣解開心結 -- 讓佢可以放低那個會變魔術的申然 (又係蛙兄組員, 佢覺得啟宏咁做叫抄橋, 我唔同意)

(5) 申然: 其實寫得幾可悲, 佢一直用佢所知的方法 (激將法) 去嘗試留住子欣, 無奈本性真的很難移 -- 論角色描繪, 申然好好多, 佢本性難移但難得坦白、愛人卻又用錯方法, 好觸動到我。啟宏, oh well, 未免太平面左d....但係又咁囉, 咪!!講!!笑!!! 啟宏平面還平面, 佢手持青蛙puppet, 用腹語唱「我願意」果度, 我.....竟然喊左出黎, 堅感動....! <-- 咁樣算唔算朝秦暮楚呢??


[一小時後按: (邊講邊dok dok dok 手指) 但係咁囉, 作為字典的好朋友, 申然利用字典字句來求婚果條橋, 都冧囉~~ 唉我被確診為朝秦暮楚了]

(6) 男士們實在可以從呢齣戲中, 學習唔少又平又好駛的冧女十式喎, 我記得之前睇blog, 有人話唔知係咪韋家輝本人冧女的招數, 哈哈

千臉臉書。the facebook with a thousand faces.

facebook 愈變愈多, 就快不認得它了。
不要緊, 我在它身上, 學得夠多東西了:

它是一個令人看到很多人性的地方, 由此來看, 其實它很有教育意義。

你在臉書上說的東西, 竟有些八公八婆 (我相信, 當中不少更是道貌岸然的....), 會將之宣揚出去臉書以外的地方, 告訴佢認為應該知道的呢個果個 -- 友人受過苦頭 (ok, 佢本人一點也不覺得苦, 也不介意)。我聽到果陣, 只覺得很可怕, 很荒誕。

沒錯, 在臉書上公開寫得出, 就唔怕你講。但係我相信自己的前設其實是: 「我以為」(又來了!) 沒人會講, 因為那叫說三道四, 亞媽有教, 要盡量克制自己, 唔好講人是非個喎。

是我太天真無邪了吧。

+ + + + +

這陣子另一個令我覺得自己很天真無邪的例子: 在臉書上, 我體會到甚麼叫「一代新人換舊人」, 有點唏噓, 有點感慨。

我實在、實在太太太天真無邪了。

* 早前教會刊物寫「臉書」, 難道我可以把以上的東西寫出來嗎?